Usı jıldıń 28-noyabr kúni Nókis veterinariya medicinası texnikumı oqıwshı-jaslar arasında jinayatshılıq hám huqıqbuzarlıqtıń aldın alıw boyınsha úgit-násiyat ilajı ótkerildi.Ilajda texnikum direktorınıń islep shıǵarıw tálimi boyınsha orınbasarı D.Elubaev, Nókis qalası 3-sanlı ishki isler bólimi jinayat qıdırıw bólim operativ wákil mayor I.Awezmuratov, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı profilaktika inspektorı kapitan K.Kaypnazarov, oqıtıwshılar hám oqıwshı-jaslar qatnastı.
Ilajda sózge shıqanlar oqıwshı-jaslarǵa búgingi kúnde ushırasıp atırǵan hár qıylı huqıqbuzarlıqlardıń aldın alıw hám olardı boldırmaw hám texnikumnıń ishki tártip-qaǵıydaları, kóshede, jámiyetlik orınlarda hár bir insannıń ózin uslap-tutıwı, júris-turısı, internet tarmaqlardan durıs paydalanıw kerekligi haqqında aytıp ótti. Sonday-aq, jınayat kóshesine kirip qalıwdan awlaq bolıw, mádeniy-ruwxıylıq ilajlarǵa belsene qatnasıp barıw kerekligi haqqında keń túrde pikir-usınıslar bildirildi.
Iláj sońında oqıwshılar taraw qánigelerge sorawlar berip juwaplar aldı.
