Извините, этот текст доступен только на “qaraq”.
Nókis qalası 4-sanlı texnikumında «Hár piyshembi –“Jaslar kúni”
jaslar menen sáwbetlesiw» boyınsha ótkerilgen ashıq sáwbet haqqında
Ashıq sáwbetti jaslar menen islesiw boyınsha direktor orınbasarı B.Kalxorazov ashıp berdi hám basqarıp bardı. Ushrasıw kún tártibindegi másele hám de kelgen miymanlar menen tanıstırıp óttil. Ol óz sózinde Ózbekstan Respublikası Ministrler Kabinetiniń 2022-jıl 11-yanvardaǵı 17-san qararına muwapıq «Texnikumlardı tabıslı tamamlaǵan pitkeriwshiler joqarı tálimniń bakalavriat tálim baǵdarına 2-basqıshtan baslap sáwbet tiykarında qabıllaw múmkinshiligi jaratılǵan. Texnikumdı tabıslı tamamlaǵanlar kategoriyasına qaray texnikumdaǵı pútkil oqıw dáwirinde oqıw semestrleri juwmaǵına kóre ózlestiriw bahaları « 5 (ayrıqsha)» hám « 4 (jaqsı)», biraq ózlestiriw bahalarınıń keminde 50 procenti « 5 (ayrıqsha)» bolǵan pitkeriwshiler kiredi.
Bul haqqında keńirek túsinik beriw ushin sóz Samarqand mámleketlik veterinariya medicinası sharwashılıq hám biotexnologiyalar universiteti Nókis filialı veterinariya diagnostika hám azıq-awqat qáwipsizligi kafedrası assistent oqıtıwshısı A.Kalenderovqa berdi. Ol óz sózinde Ózbekstan Respublikası Prezidenti Shavkat Mirziyoyev Respublikanıń awıl xojalıǵında veterinariya hám sharwashılıq tarawların durıs úgit-násiyatlaw, tarawlarda ilim hám texnika jańalıqların jedellestiriw, olardıń baǵdarlamaların zaman talaplarına beyimlestiriw, innovaciyalıq jańalıqlardı turaqlı kirgizip barıw boyınsha oqıwshılarǵa túsinik berip ótti.
Bunnan soń sózge Samarqand mámleketlik veterinariya medicinası sharwashılıq hám biotexnologiyalar universiteti Nókis filialı ekonomika hám gumanitar pánler kafedrası assistent oqıtıwshısı N.Jamalov shıǵıp universitette oqıwshı-jaslarǵa jaratılıp atırǵan shárt-shárayatlar haqqında aytıp ótti. Oqıw ornımızda 4 kafedra bar bolıp. Olardan Ekonomika hám gunamitar pánler kafedrasında Buxgalteriya esabı hám Ekonomika qánegilikleri bar. Olardan kúndizgi, keshki hám sirtqi oqıw formaları haqqında aytıp ótti. Sózimniń sońında bársheńizdi texnikumda shólkemlestirilgen sabaq processlerinde aktiv qatnasıp jaratılǵan imkaniyattan maqsetli paydalanıwǵa shaqırıp qaldı.
Sózge shıqtı: Buxgalteriya esabı hám audit qánigeligi 2-basqısh oqıwshısı Jabbarov Dawletyar óz sózinde men texnikumǵa oqıwǵa qabıl etilgenligimnen júdá quwanishlıman. Nege deseńiz men ózim jaqsı kórgen kásibim boyınsha oqıp kiyatırman. Texnikumdı tamamlaǵannan keyin joqarı oqıw ornında oqıw niyetim bar. Joqarıda jaslar menen islew boyınsha direktor orınbasarınıń shıǵıp sóylegen sózleri maǵan júdá maqul keldi. Ásirese joqarı oqıw ornına 2-basqıshtan baslap qabıllaw múmkinshiligi men ushın jaratılǵan jeńilliklerden biri dep qabılladım hám óz aldıma texnikumda ayrıqsha bahalarǵa oqıwdı maqset etip aldım.
Sózge shıqtı: Veterinariya medicinası qánigeligi 2-basqısh oqıwshısı Aytımuratov Altınbek óz sózinde balalıqtan veterinariya medicinası tarawına qızıǵıwshılıǵın bildirip, texnikumda Kinologiya qánigeligine qabıl etilgenligi ushın kewilli ekenligin bildirdi. Ásirese búgingi taraw qánigeleri menen bolǵan ushrasıwda ózine kerekli maǵlıwmatlardı bilip alǵanlıǵı, óz ústimda jáne de kóbirek islewime túrtki boldı dep esaplayman hám veterinariya medicinası tarawına bolǵan qızıǵıwshılıǵımdı taǵı bir tekshe asırıwdı niyet ettim.
Ilaj sońında oqıwshı jaslar ózleriniń qızıqtırǵan sorawlarına juwaplar aldı.
